يا ولف شوباقي لقلبي من هواك
إلا جفاك وشوق هالقلب لهواك
يا ريت ما حبيتني ولا أشقيتني
ولا عرفت لذة قربك ولوعة جفاك
قلبي سِوى حبك وصفوَك ما ارتضى
بسمة رضا بنسى جفاك اللي مضى
وياريتها بتطول بسمات الرضا
وبتضل فايق عاهواك وعا وفاك
بتعن عا بالي لياليك الملاح
وسهراتنا تايجهجه علينا الصباح
وبخاف اسأل عالهوى ويكون راح
وبخاف ما اسأل ويضنيني نواك
ما فيك الا تعود والدنيي لنا
انت وأنا نحنا خلقنا لبعضنا
وبمطرح ال منكون بيكون الهنا
قلبي عليك وكل أيامي فداك